Олардың қатарында жас балалар да жетерлік. Яғни бұрын орта жастан асқан азаматтар арасында жиі кездесетін диабеттің екінші түрі енді жастарды да дендеп жатыр. Тіпті әлемде туа бітті диабет ауруына шалдыққан шақалақтар дүниеге келе бастады дейді дәрігерлер. Сондықтан айықпас аурудың алдын алу үшін артық салмақтан арылып, салауатты өмір салтын ұстануға кеңес береді. Бұдан бөлек жыл сайын дәрігерге көрініп, қанын тексертіп тұрған абзал дейді мамандар.
Наталья Тукалевская, Қазақстан Диабеттік ағарту қорының атқарушы директоры:
-Қант диабетімен ауыратынын білмейтіндер саны қаншама. Себебі диабеттің екінші түріне шалдыққандар жылдар бойы ештеңе сезбей жүре беруі мүмкін. Сондықтан орта жастан асқан азаматтардың жиі тексеріліп тұрғаны жөн.