Бұл туралы Сaravan.kz тілшісі хабарлады.
Жақып Асанов халықты күмәнді құрылыс компанияларына ақша құймауға шақырды. "Үлестік құрылысқа ақша салмас бұрын мына екі құжаттың бірін — Кепілдік беру қорымен келісім-шартын немесе әкімдіктің рұқсатын талап етіңіздер. Онысы бар болса, мұқият оқып шығыңыздар. Соның өзінде олар жалған болып шығуы мүмкін. Ең дұрысы — әкімдік рұқсатының немесе әлгі компанияның Кепілдік беру қорымен келісім-шартының бар-жоғын әкімдікке барып немесе ресми сайттан қарап тексеріп алған жөн" дейді Бас прокурор.
Оның айтуынша, құрылыс компаниясымен арадағы келісім-шарт әкімдікке тіркелгеннен кейін ғана жасалған болып есептеледі, сонда ғана оның заңдық күші болады. Айта кетейік, 10 қазанда осы саладағы жаңа заң күшіне енді. Ол бойынша, құрылыс компаниясы үлескерлерден екі жағдайда ғана ақша ала алады: компанияның Кепілдік беру қорымен келісім-шарты болса немесе әкімдіктің рұқсаты болса.