Оқушыларға смартфон ұстауға әзiрше тыйым салынбайды.
Бұл туралы ҚР БҒМ вице-министрi Элмира Суханбердиева «Оқу орындарының жаңа оқу жылына дайындығы туралы» ОКҚ брифингi барысында мәлiмдедi, деп хабарлайды Caravan.kz порталы BNews.kz-ке сілтеме жасап.
«Оқушыларға смартфон ұстауға тыйым салу туралы шешiмдi мектеп немесе ұйым жеке қабылдайды. Неге десеңiз, бұл мәселе ата-аналармен бiрiгiп шешiлуi тиiс. Негiзiнде көп ата-ана балалары қалай мектепке немесе үйге жеттi деп телефон арқылы бiлiп отырады. Сондай-ақ, бiз «Ақылды қала» деп айтып жатырмыз, оның iшiнде смс-хабарлама арқылы бақылау мен басқа да смартфонда бар қызметтер қамтылған. Сондықтан, бiз смартфонға тыйым саламыз деп бүгiнгi күнi айта алмаймыз», — дейдi вице-министр.
Дегенмен, Э.Суханбердиева жоғарғы сыныптарда ұялы телефондардың оқу процесiне кедергi келтiретiнiн де жасырмады. «Әр ұстаз, әр ата-ана өздерi шешiм қабылдайды», — дейдi ол.
