Еуропа Лигасының топтық кезеңіндегі «Астана» матчтарының күнтізбесі белгілі болды.
15 қыркүйек күні — АПОЭЛ — «Астана»;
29 қыркүйек — «Астана» — «Янг Бойз»;
20 қазан — «Олимпиакос» — «Астана»;
3 қараша — «Астана» — «Олимпиакос»;
24 қараша — «Астана» — АПОЭЛ;
8 желтоқсан — «Янг Бойз» — «Астана».
Айта кеткен жөн, астаналық клуб Еуропа Лигасының топтық кезеңіне өтті. Еуропа лигасының плей-офф сынында «Астана» мен БАТЭ арасындағы қарымта кездесу 2:2 есебімен тең аяқталды. «Астана Аренада» өткен алғашқы матчта 2:0 есебімен қазақстандық команда басым түскен еді.
Кешегі жеребе тастаудың нәтижесі бойынша, топтық кезеңдегі «Астананың» келесі қарсыластары — грекиялық «Олимпиакос», кипрлік АПОЭЛ және швейцариялық «Янг Бойс» екені анықталды.
Өткен жылы УЕФА чемпиондар лигасының плей-офф кезеңінде «Астана» футбол клубы кипрлік «АПОЭЛ» клубымен кездесіп, «Астана» Чемпиондар лигасының топтық кезеңіне жолдама алған еді.