Бұл туралы бүгін журналистермен болған брифингте Қаржы министрлігі Кедендік бақылау комитеті кедендік кірістер басқармасының бастығы Толқын Баймұханова мәлім етті.
Оның сөзіне қарағанда, кеден органдары өндіруі тиіс кірістердің көлемі 398 миллиард теңгені құрауы тиіс еді. Яғни, міндет 114 пайызға орындалды. «Біз маусым айының қорытындысын шығарған жоқпыз. Дегенмен осы маусым айының өзінде жоспар 104 пайызға орындалатындығын болжауға болады. Өткен жылмен салыстырғанда бюджетке түскен кедендік кірістердің өсімі 5,3 пайызды құрады»,-деді басқарма бастығы.