Соңғы бес жылда Қазақстанда 148 террорист сотталды - Бас прокуратура

Қазақстанда соңғы бес жылда террорлық қылмыс жасаған 148 адам, экстремистік қылмыс жасаған 160 адам сотталды. Бас прокурордың бірінші орынбасары Иоган Меркель осылай деп мәлімдеді.

«Осы жерде: «Бұл цифрлардың артында кімдер тұр? Қазақстанда террорист деген кім?» деген сұрақтардың басы қылтияды. Бұл сұраққа статистикаға сүйене отырып жауап бергім келеді. Сотталған террористердің 60 пайызға жуығы 29-ға толмаған жастар», — деді ол бейсенбі күні лаңкестікке қарсы күрес тақырыбында өткен конференцияда.