KASE биржасының жұмадағы сауда-саттығында теңгенің долларға шаққандағы бағамы

Қазақстан қор биржасының (KASE) жұмадағы сауда-саттығында теңгенің АҚШ долларына шаққандағы бағамы бейсенбімен салыстырғанда 0,02 теңгеге артты. Бүгінгі сауда-саттық қорытындысы бойынша, 1 доллар құны 150 теңге 07 тиынды құрады. Бұл туралы «Интерфакс-Қазақстан» агенттігіне KASE мамандары хабарлады.

Бейсенбідегі бағам: 150 теңге 09 тиын.

KASE мәліметтеріне сүйенсек, жұмадағы сауда-саттық көлемі 152,35 млн долларды құрады. Бейсенбідегі сауда-саттық 311,2 млн долларды құраған болатын.
Сауда-саттыққа 24 банк қатысты.
Ресми бағамды белгілеу тәртібіне сәйкес, 24-26-қарашада теңгенің долларға шаққандағы бағамы: 1$ үшін 150 теңге 07 тиын.