38 жастағы Асуан Айтманбетовтің соңында анасы, әйелі және 8 айлық баласы қалды. Бүгін онымен қоштасуға туыстары, достары, әріптестері, «Қордай» шекара заставасынан штаб бастығының орынбасары Нұртай Таңқаев келді. Асуан Айтманбетовті ақтық сапарға шығарып салу әскери құрметпен өтті. Туыстарының айтуынша, ол екінші ақтөбелік шекарашы Анатолий Филипкомен бірге алға ауданының Бестамақ кентінде Есет батыр және бұрын қызметтік парызын өтеуде қаза болған ақтөбелік жауынгерлер жатқан қорымға жерленеді.
Еске сала кетейік, авиаапат 25 желтоқсан күні болды. Ұшақ Шымкент әуежайына 20 шақырымға жуық қалғанда жерге соғылып, отқа оранды. 27 адам, 20 әскери қызметші мен 7 экипаж мүшесі қазаға ұшырады. Апаттың себеп-салдарын арнайы ведомствоаралық комиссия анықтауда.