Жамбыл облысында жол апатынан 2 адам қаза тауып, 10 адам жарақаттанды

Жамбыл облысының Қордай ауданында «Алматы - Ташкент» автожолының 151-ші шақырымында «Алматы - Шымкент» бағытымен бет алған «King Long» жолаушылар автобусы (салонда 44 жолаушы болған) мен «Тойота» көлігі соқтығысты.

Бұл туралы ҚР ТЖМ баспасөз қызметінен хабарлайды.

Апат салдарынан «Тойота» көлігінің жүргізушісі мен бір жолаушы оқиға орнында көз жұмды. Автобус жүргізушісі мен 9 жолаушы түрлі жарақаттармен ауруханаға жеткізілді.