Қарағандыда газдың жарылуы салдарынан зардап шеккендер саны төрт адамға жетті

Қарағандыда газ баллоны жарылу салдарынан зардап шеккен тағы бір адам ауруханаға жеткізілді.


           «Зардап шеккендер саны төрт адамға жетті. Олар ауыр хәлде жансақтау бөлімінде жатыр», — деп «Интерфакс-Қазақстан» агенттігіне облыстық төтенше жағдайлар департаментінің баспасөз қызметі мәлімдеді.
           Құтқарушылардың мәліметі бойынша, жарылыс салдарынан бір баспалдақ алаңында орналасқан төрт пәтер зақымданған.
           Бүгін сағат 7:00-дер шамасында бес қабатты үйдегі бір бөлмелі пәтерде газ жарылған болатын. Терезе әйнектер сынып, қабырғалар жартылай қирады.
           Оқиға болған жерде жедел әрекет ету қызметтері жұмыс істеуде.