Алматыда колледж директоры қаржы терезеден секіріп кетті

Алматылық сервис және технологиялар колледжінің директоры Маран Такабаевқа пара алды деген күдік келтірілген, деп хабарлады қаржы полициясының баспасөз қызметінен.


           Ол 3-қазан күні асханаға арнап бөлмені жалға беру үшін 59 мың теңге пара алу кезінде ұсталған, делінген жұмада таралған ақпаратта.
           Сонымен қатар, 2-қазан күні оның бизнесменнен 50 000 теңге пара алғандығы да тіркелген.
           "Зардап шеккен кәсіпкердің айтуынша, М.Такабаев 2009 жылдан бері ай сайын 200 мың теңге алып отырған", делінген онда.
           Хабарламаға қарағанда, оқиға болған орынды қарау кезінде колледж директоры қашуға әрекет етіп, екінші қабаттағы кабинетінің терезесінен секірген.
           Жарақат алғандықтан ол ауруханаға жатқызылды.
           Пара алу фактісі бойынша қылмыстық іс қозғау мәселесі шешілуде.