«Осы залда бұл қоғамның тағдырына бей-жай қарамайтын адамдар жиналып отыр. Менің ойымша, біздер бүгіннен бастап бірлесіп, қоғамның даму міндеттерін тек қана ел ішінде ғана емес, сонымен бірге басқа да елдердің географиялық қоғамдастықтарымен қатар шешуге күш-жүгерімізді жұмсай аламыз деп ойлаймын», — деді аталған қоғамның ашылуына арналған бірінші съезд барысында ҚР Президенті Әкімшілігінің басшысы Кәрім Мәсімов.
Айта кетейік, Қазақстанның Ұлттық географиялық қоғамының басты мақсаты — ғылыми қызметтерді дамытуға әрі бұл саладағы білімді таратуға жәрдемдесу, елдің ұлттық қауіпсіздігін нығайту, оның Тұрақты дамуы мен жасыл экономикаға көшуіне қол ұшын беру болмақ.