Бүгінгі хабарламаға сәйкес, «Алты Алаш» ықшам ауданында бұрын сотты болған екі азамат жүргізген екі «БМВ» көлігі ұсталды.
«Бірінші көліктің тізгінінде облыстың Қарасау ауданының 38 жастағы тұрғыны болған. Оны жеке тінту кезінде «ТТ» тапаншасы, көлігінің жүк салғышынан «АКС» автоматы табылған. Жаркенттің 24 жастағы тұрғыны жүргізген екінші көлікті тексеру кезінде «ТТ» тапаншасы мен «Сайга-410» тегіс оқпанды мылтық табылды», — деп Алматы ІІД ресми өкілі Салтанат Әзірбек мәлімдеді.
Оның мәліметі бойынша, тәркіленген қару баллистикалық сараптамаға жіберілген.
Ұсталғандар уақытша оқшаулағышқа қамалды. Олардың үстінен қылмыстық іс қозғалды.