Жемқорлыққа қарсы күреске ықпал еткені үшін қазақстандықтарға қанша ақша төленді?

Биыл шамамен 150 қазақстандық жемқорлыққа қарсы күреске ат салысқаны үшін ақшалай сыйлық алды, деп Экономикалық қылмысқа және сыбайлас жемқорлыққа қарсы күрес агенттігі төрағасының орынбасары Андрей Лукин мәлімдеді.

«Биыл он айдың ішінде 150 шақты азаматқа 13,5 млн теңгеден астам ақша төленді», деп ол бүгін Астанада «Жемқорлыққа қарсы тұру және экономикалық қауіпсіздікті қамтамасыз етудің өзекті мәселелері» атты конференцияда атап көрсетті.