Көше бойындағы бағаналарға Атыраудың бұрынғы әкімі бастаған бір топ адамның суреті бар хабарландыру ілініпті. Онда іздеуде жүргендерді көрген-білгендер болса дереу қаржы полициясына хабар беруін сұраған. Бұл үшін тіпті қомақты сыйақы беретіндерін де айтыпты. Әйтсе де өңірдегі экономикалық қылмыс және жемқорлықпен күрес департаментіндегілер Рысқалиевтер мен сыбайластарының қайда жасырынып жүргендерін өздері білмейді. Хабарландыруды керегі болар деп ілген көрінеді.