Белгілі болғандай, М. Смағұлов күдікті ретінде уақытша ұстау оқшаулағышына қамалды.
Бұдан бұрын Мемлекеттік қызмет істері және сыбайлас жемқорлыққа қарсы күрес агенттігі М. Смағұловтың үстінен ҚР ҚК 307 бабы бойынша (қызметтік лауазымын асыра пайдалану) қылмыстық іс қозғаған. Смағұлов Қарағанды әкімі кезінде өз үйіне «Қолжетімді баспана» мемлекеттік бағдарламасы бойынша тұрғын үй салған «ЮТЭКС» компаниясының есебінен жөндеу жұмыстарын жүргізген. Алдын ала бағалау бойынша, жөндеу жұмыстарына 5 млн. теңге жаратылған.
М. Смағұлов 2012 жылдың қазанында Қарағанды қаласының әкімі болып тағайындалған еді. 2014 жылғы маусымда өз өтінішімен отставкаға кетті.