Халықаралық тұрғын үйді қаржыландыру одағына мүше болмақ. Банкті аталған ұйымның тізіміне енгізу туралы шешім өткен қыркүйек айында қабылданған болатын, деп хабарлайды Тұрғынүйқұрылысжинақбанкінің баспасөз қызметі.
Хабарламаға сүйенсек, бұл тәжірибе алмасуға, жетекші мамандардан тұрғын үй-құрылыс жинақ жүйесін жетілдіру жөнінде ақыл-кеңестер мен сараптамалық материалдар алуға мүмкіндік береді.
Сонымен қатар, Тұрғынүйқұрылысжинақбанкі салалық ұйымдармен байланыс орнатып, бизнес-процестерді, корпоративтік басқару жүйелері мен сапа стандарттарын жетілдіруге, тұрғын үйді қаржыландыру саласында тәжірибе алмасуға мүмкіндік алмақ.