Алматыдан 208 шақырым қашықтықта жер сілкінді

Бүгін 09 сағат 35 минут кезінде жер сілкінісі болды. Бұл мәліметті ҚР Білім және ғылым министрлігі Ғылым комитетінің Сейсмологиялық тәжірибелік әдістемелік экспедициясы мемлекеттік мекемесінің сейсмикалық стансалар желісі тіркеді.

Тербеліс эпицентрі Алматыдан оңтүстік-батысқа қарай 208 шақырым жерде Қырғызстан аумағында болған.

Жер сілкінісінің энергетикалық класы 9.0 болса, магнитудасы MPV 4.2, ал тереңдігі 15 шақырымды құраған.

Сезілгендігі туралы мәліметтер жоқ.