"БТА Банк" АҚ Директорлар кеңесі 2015 жылғы 30 наурыздан бастап Мағжан Әуезовтің банк басқармасының төрағасы өкілеттігін мерзімінен бұрын тоқтатып, 2015 жылғы 8 сәуірден бастап 2015 жылғы 31 желтоқсанға дейін басқарма төрағасының лауазымына Асқарбек Нәбиевті сайлау шешімін шығарды. Бұдан басқа, банкте «өз өтініші бойынша 2015 жылғы 1 мамырдан бастап басқарма мүшесі — басқарушы директор Қайыржан Мимикеновтың өкілеттігін мерзімінен бұрын тоқтату» шешімі қабылданғаны атап өтілді.
Атап өтсек, Асқарбек Нәбиев — Қазақ мемлекеттік басқару академиясының түлегі, экономист. 1997 жылы Қазкоммерцбанкте экономикалық талдау басқармасына, кейіннен қайта құрылған департаментке басшы болды. 2002 жылдан бастап қаржылық бақылау департаментінің директоры қызметін атқарған.