17-сі іске асырылу сатысында. Бұл туралы бүгін «Ақтау теңіз порты» АЭА» АҚ басқармасының төрағасы Әмірбек Төлегенов брифингте хабарлады.
«АҚ-да теңіз металл конструкцияларын, шыны-талшықты құбырлар, мұнай құбырлары, оқшауланған құбырлар, оффшорлық модульдік контейнер, жол құрылысы материалдарын шығарумен айналысады. АҚ өндіріс көлемі 2014 жылы 233 млрд. теңгені құрады. Бүгінде 1000-ға тарта жұмыс орны ашылған. Осы жылы іске қосылатын жаңа 6 кәсіпорын қосымша жұмыс орнын құрып, бюджетке түсім түсіріп, өнім өндірісінің көлемін ұлғайтады», — деп хабарлады Әмірбек Төлегенов.
Жаңа кәсіпорын полимерлік орама, мұнай-газ жабдықтарының өндірісін ретке келтіреді. Әзербайжаннан әкелінген жемістер, көкөністер мен өндірістік тауарларға арналған қойма, екі үй құрылысы комбинаты, фармцевтикалық кешен салынады, оларды тамызда пайдалануға беру жоспарлануда. Жобаның жалпы құны 8 млрд. теңге.
АЭА аумағы жалпы алаңы 2000 гектар 7 аймақтан тұрады. 2012 жылға дейін №3 аймақтың инженерлік инфрақұрылымы салынды, оны салуға 3,3 млрд. теңге жұмсалды. 2012 жылғы қарашада №1 аймақтың құрылысы басталған. Төрт лот бойынша құрылыс-монтаждау жұмыстарына жасалған шартқа сәйкес жалпы сома 3,7 млрд теңгені құрайды. Таяу уақытта жалпы алаңы 300 гектардай болатын №1 аймақ жұмыстары аяқталады.
Техникалық-экономикалық негіздемеге сәйкес №1 аймақтың, сондай-ақ №2, №3 аймақтың 50 гектарына қосымша учаске салуға барлығы 11,3 млрд теңге көзделген.