Астанадағы сауда орталығының біріндегі дүңгіршекте ұйымдастырылған белсенділердің штабына жиналған заттар түс болмай сыймай қалыпты. Сондықтан қоймадан орын берген. Қазір ондағы гуманитарлық жүктер көліктерге тиеліп, алғашқы легі Қарағандыға қарай аттанып кетті. Ақтөбе тұрғындары да қолдан келгенді аямай жатыр. Қаланың қақ ортасындағы арнайы орынға таңнан бері тапсыратын заттарын арқалағандар ағылуда. Ұйымдастырушылар ең алдымен жылы киімдер мен бұзылмайтын тамақ әкелуді сұрап отыр.
Айдын Әлнияз, Ақтөбе қаласының тұрғыны:
— Бірлік болмаса болмайды ғой. Соған бәріміз қосылып кім қалай көмектесе алады, солай көмектесіп жатыр барымызша.