Бұл туралы бүгін Алматыда өткен баспасөз мәслихатында «ҚДБ» АҚ Басқармасының төрағасы Болат Жәмішев мәлімдеді.
«Ұлттық қордан 20 жылдық мерзімге 15 млрд. теңге бөлінді. Қарыз алушыға берілетін несиенің мерзімі 5 жыл екенін ескеретін болсақ, бұл бағдарлама бір реттік емес, тұрақты негізде жүзеге асырылатын болады. Банктер несилердің өтелуіне қарай, несие алуға ниет білдіргендерді қаржыландырып отырады», — деді Б. Жәмішев.
Оның айтуынша жылдық атаулы мөлшерлеменің көлемі 4 пайыздан аспайды. Бұл жерде жылдық тиімді мөлшерлеме сақтандыруға және несиені рәсімдеуге кеткен шығындарды есептегенде 7,5 пайызды ғана құрайды.
«Машиналардың бағасы 5 600 000 теңге болады, яғни шамамен 30 000 АҚШ долларын құрайды. Бұл несие алушыларды көптеп қамтуға арналған. Бастапқы жарнаның көлемі — 20 пайыз. Несие тек жеке тұлғаларға ғана беріледі», — деді «ҚДБ» АҚ Басқармасының төрағасы.
Ол сонымен қатар, заңды тұлғалар мен жеке кәсіпкерлерлер бағдарламаның екінші бөлігін пайдалана алатындығын жеткізді. Яғни, көліктерді лизингке сатып ала алады. Лизингтің мерзімі 3 жылдан 5 жылға дейін. Атаулы жылдық мөлшерлемесі — 4 пайыз. Несие теңгемен беріледі. Лизинг бойынша бастапқы жарна көлік бағасының 30 пайызын құрайды.