АҚШ-та Царнаев сотқа аяқ-қолы кісенделіп әкелінді

Енді алқа билер Царнаевқа ең ауыр екі жазаның бірін таңдайды. Ол – өмір бойы бас бостандығынан айыру немесе өлімге кесу. Царнаев сот залына аяқ-қолы кісенделіп әкелінді. Ол бұл жолы өзі сұранып қара киіммен келіпті. Егер алқа билердің біреуі қарсы болса, Жохар өлім жазасынан құтылады екен. Есесіне, өмір бақи абақтыға жабылмақ. Бостондағы жарылыс осыдан екі жыл бұрын марафон кезінде болды. 3 адам қаза тауып, 260-ы жараланған болатын. Бұл іс бойынша Царнаевпен бірге екі қазақ студенті де айыпталуда. Азамат Тәжияқов пен Диас Қадырбаевтың тағдыры осы процестен кейін шешіледі.