Бұл туралы бүгін брифингте ҚР ІІМ Төтенше жағдайлар комитетінің ресми өкілі Руслан Иманқұлов мәлім етті.
«Барлық жерде ҚР ІІМ бөлімшелері мен жергілікті құтқарушы органдарының бірлескен тәулік бойғы кезекшілігі жүргізілуде. Сондай-ақ, республикадағы су тасқыны ахуалын бағалау үшін қазақстандық спутниктермен жерді қашықтықтан зондтау деректері қолданылуда.
Су тасқынына ұшыраған өңірлерде су айдау, тұрғын үй мен жол аумақтарын инертті материалдармен қоршау бойынша жұмыстары жалғасуда», — деді ол.
Соңғы деректер бойынша, 16 188 адамның 14 631-і үйлеріне оралды. 22 788 метр уақытша бөгендер тұрғызылды, 95 847 қапқа құм салынып үйілді, 439 881 текше метр су сорылды.
Су тасқыны кезеңінің басынан бастап, авариялық-құтқару және басқа да кезек күттірмейтін жұмыстарға барлығы 6 518 адам, 1 722 бірлік техника, 154 су сору құрылғысы, 113 жүзу құралы жұмылдырылды.