Бұл туралы Caravan.kz медиа порталы Sputnik.kz-қа сілтеме жасап хабарлайды.
"Биыл әскери қызмет туралы заңға қызмет мерзімін бес жылға дейін ұлғайтуды қарастыратын норма енгізілді, осыған байланысты зейнеткерлік жас бес жылға дейін көтеріледі", — деп ҚазАқпарат қорғаныс министрлігі зейнетақымен қамтамасыз ету орталығының басшысы полковник Қайыржан Бимолдиннің сөзінен үзінді келтірді.
Бұл әскери қызмет туралы заңда белгіленген жас шегіне тікелей байланысты.
Зейнетақы заңнамасындағы негізгі өзгеріс – әскери қызметкерлер мемлекеттік бюджет есебінен ынтымақты зейнетақыға көшеді. Бұрын ол жинақтаушы жүйе есебінен жүзеге асырылатын.
Өткен жылы әскери зейнеткерлерге зейнетақы жинағының бір бөлігін жеткілікті шекке қарамастан 50% көлемінде пайдалану құқығы берілді. Егер әскери қызметшінің 3 миллион теңге жинақ ақшасы болса, онда ол 1,5 миллион теңгені пайдалануға құқылы.