Ақтөбе облысында цемент тиелген вагон шойын жолдан шығып кетті

Ақтөбе облысы Көкмола бекетінде №2215 санды 14 жүк вагонынан тұратын жүк составының цемент тиелген бір жабық вагоны шойын жолдан шығып кетті. Бұл туралы KZ-today тілшісіне ҚР төтенше жағдайлар жөніндегі Агенттігінің баспасөз қызметінен хабарлады.

Вагон бірнеше сағаттан кейін жолға қойылып, апат салдары жойылды. Апат салдарын жоюға қалыпқа келтіруші отарба мен жөндеу бригадасының 21 адамы қатысты.