ҚР сыртқы істер министрі еліміздегі Египет елшісін қабылдады

ҚР сыртқы істер министрі Қасымжомарт Тоқаев бүгін, 26-желтоқсанда Египет Араб Республикасының еліміздегі елшісі Мұхаммеда Набиль Абдель Азиз Фидауиді осындағы дипломатиялық миссиясы аяқталуына байланысты қабылдады. Бұл туралы KZ-today тілшісіне ҚР СІМ-нің ақпарат және талдау басқармасынан хабарлады.

Сыртқы саясат мекемесінің басшысы Египет елшісінің жұмыс нәтижелерін жоғары бағалап, оған екі ел арасындағы екі жақты байланыстарды нығайтуға бағытталған іс-қызметі үшін ризашылық білдірді.

Египет — Африка құрылығы мен жалпы араб қоғамдастығындағы Қазақстанның басты әріптестерінің бірі. Екі республика арасында мемлекетаралық, үкімет аралық және мекемеаралық екі жақты 28 құжатқа қол қойылған. Екі республика арасындағы сауда-экономикалық байланыстар, мәдениет және маман дайындау саласындағы ынтымақтастықтар белсенді дамып келеді.