Баспасөз қызметінің ақпаратына сүйенсек, жер асты дүмпуі 8-қаңтар күні 23 сағат 21 минутта тіркелген, жер сілкінісінің ошағы қырғыз-тәжік шекарасында, Түркістан жотасының бөктерінде, облыс орталығынан оңтүстік-шығысқа қарай 90 шақырымда және Сүлікті қаласынан оңтүстік-шығысқа қарай 60-шақырымда болған.
Министрліктің баспасөз қызметі хабарлағанындай, жер сілкінісі болған ауданға Қырғызстан Республикасының ТЖМ оңтүстік бөлімінің жедел тобы жіберілді. Алдын- ала мәліметтер бойынша қазіргі уақытта қирау және құрбандар туралы мәліметтер жоқ.
Бұрын хабарлағанымыздай, 2006 жылдың 26 желтоқсанында Қырғызстанның Нарын облысында 7 баллдық жер сілкінісі болған. Жер сілкінісі салдарынан 6 мыңнан астам тұрғын үйлер мен әкімшілік ғимараттары қираған болатын, құрбан болғандар жоқ.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті