«Ғарыш аппараты 27 ақпанда Ульяновск қаласында кедендік рәсімдеуден өткеннен кейін АН-124 «Руслан» ұшағымен «Юбилейный» әуежайына жеткізілді. Қосалқы бөлшектерімен түсірілген аппарат артынша 31 алаңға сақтауға жеткізілді» -деп хабарлайды ақпарат қызметі.
«TerraSAR-X» жер серігін Германияның (DLR) аэроғарыштық орталығы мен»EADS Astrium GmbH» компаниясы ойлап шығарған. Ғарыш аппараты биіктігі 514 шақырымдық күн синхрондық полярлы орбитада орналасады. Жер серігінің жұмыс атқару мерзімі шамамен бес жыл.
«TerraSAR-X» жер серігін «Днепр» зымыран тасығыштың көмегімен наурыз айында ұшыру жоспарланған. Бірақ нақты уақыты әзірге белгісіз.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті