Баспасөз қызметінің ақпараттарына сүйенсек, тыйым салынған жүк бүгін Ресейдің Омбы қаласына бет алған «Форд-Гранада» маркалы көлікті тексеру кезінде табылған. «Есірткіні 23 пластикалық бөтелкеге бөліп салып, көліктің жанармай құйғышына жасырған»,- деп хабарлады департамент.
Жедел қызметкерлердің айтуынша, ерекше иісті ең алдымен иісшіл ит сезген. Одан кейін құпия жерді іздеуге кеден бақылауының арнайы құралдары — эндоскоп пен «Rapiscan» аппараты қолданылған.
Көлік жүргізушісі — Қазақстан азаматы — ұсталып, уақытша тергеу изоляторына қамалды.
Баспасөз қызметінің мәліметтеріне сүйенсек, кеден органдарының қызметкерлері Қазақстан мен Ресей шекарасының павлодарлық учаскесінде жыл басынан бері барлығы 22 кг астам есірткі тәркілеген. Қазақстан Республикасының Қылмыстық кодексінің 250-бабының 1-тармағы бойынша (Есірткі заттарының контрабандасы) 11 қылмыстық іс қозғалған.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті