Баспасөз қызметінің ақпаратына сәйкес, шара ҚР ауыл шаруашылығы министрлігі, индустрия және сауда министрлігі, Алматы қаласының әкімдігі мен «ҚазАгро»Ұлттық холдингі» АҚ ресми қолдауымен өтеді.
Форумды ҚР Ауыл шаруашылығы министрлігінің еншілес кәсіпорыны — «Қазагромаркетинг» Акционерлік қоғамы, ҚР индустрия және сауда министрлігінің Сауданы реттеу жөніндегі комитеті ұйымдастырады.
«Орталық Азия аймағы елдері жеміс-көкөніс саласының рыногын дамыту» тақырыбында өтетін конференцияның сессиялық отырыстары мәселені жан-жақты талқылайды. Форумда Қазақстанның жеміс-жидек бизнесін дамытудың тиімділігін арттыратын жаңа технологияларды дамытудың әлеуеттік мүмкіндігі мен саладағы технологиялардың проблемалық мәселелері назар төріне алынады, деп хабарлайды мекеме.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті