Қырғызстанның ТЖМ-нің хабарлауынша, ауылдағы 150 үйдің 120-сы толық қирап, 50 -ден астам адам зардап шеккен, жол қирап, байланыс үзілген. Оқиға орнына бүгін таңертеңгі сағат 8.40-та Қырғызстанның төтенше жағдайлар министрі Камчыбек Ташиев пен Ош облысының губернаторы Аалы Карашев құтқарушылармен бірге аттанып кетті.
Жер сілкінісі кеше сағат 22.53-те болған, сілкініс ошағында оның қуаты Рихтер өлшемі бойынша 8 баллға жеткен.
Бұдан бұрын да хабарлағанымыздай, ҚР Білім және ғылым министрлігінің сейсмология институтының мәліметінше, 5 қазанда сағат 21.54-те Қырғызстан аумағында энергетикалық классы 14,5 болатын жер сілкінісі болды. Оның ошағы Алматыдан оңтүстік-батысқа қарай 405 шақырымда болды.
Таразда қуаты 3-4 балл, Алматы мен Шымкентте 2 балл жер асыты дүмпулері сезілді. Құрбан болғандар, зардап шеккендер мен қираулар туралы ақпарат келіп түскен жоқ.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті