Бұл туралы Caravan.kz медиа порталы хабарлайды.
70 келіге дейінгі салмақ дәрежесінің ширек финалында отандасымыз Ирак өкілі Али Касим Хамдан Аль-Сарраймен жұдырықтасты. Төрехан қарсыласын бірінші раундта нокаутқа түсіріп, жекпе-жекті мерзімінен бұрын аяқтады.
Осылайша, қазақстандық боксшы Азиада-2026 жүлдесіне кепілдік берді.
Төрехан Сабырханның жартылай финалдағы қарсыласы да белгілі болды. Ол 30 қыркүйек күні Өзбекстан құрамасының боксшысы Шавкатжон Болтоевпен кездеседі. Өзбек спортшысы ширек финалда Қытай өкілі Ли Гуофэнді 5:0 есебімен жеңіп, келесі кезеңге өтті.
Еске салайық, Төрехан Сабырхан Азиададағы алғашқы жекпе-жегінде Катар боксшысы Мұхаммед Дбичиді 5:0 есебімен жеңген болатын. Сол кездесуде ол қарсыласын нокдаунға түсірген еді.
Айта кетейік, Азия ойындарындағы бокс турнирі 2 қазанға дейін жалғасады. Ал Азиада-2026 ойындарының өзі 4 қазанда аяқталады.