Бұдан бұрын да хабарлағанымыздай, Қазақстан Республикасының үкіметі 2009 жылдың 25-ақпаны мен 6-наурызы аралығында Қазақстан Республикасының ұлттық халық санағын жүргізу туралы 2007 жылдың 28-қарашасындағы №1138-ші "2009 жылы Қазақстан Республикасында ұлттық халық санағы туралы" қаулыны қабылдады.
ҚР Статистика жөніндегі агенттігінің хабарлауынша, 2008 жылдың қазан айының 1 мен 24 жұлдызы аралығында ұлттық санаққа басты дайындық жұмыстары жүргізіліп, елдімекендер мен үйлердің тізімі жасалады. Бұл жұмысқа арнаулы оқылған 9531 регистратор қатысады.