"Бұған дейін босқа кеткен уақытты өтеу үшін кезектен тыс кездесуді өткізуге шешім қабылдадық. Біз президенттердің қол қоюы үшін шілде айына дейін келісімдер топтамасының жобасын әзірлеп бітіруіміз керек",- дедә С.Мыңбаев.
ҚР үкімет басшысының орынбасары осы орайда Біртұтас Экономикалық кеңістік құру жөніндегі кезек күттірмейтін 29 келісім бойынша келіссөздер жүргізіліп жатқанын еске салды. "18-сәуірде сарапшылар Мәскеуде жиналып, барлық мәселені сарапқа салады",- деді ол.
Бүгін Мәскеуде өткен баспасөз мәслихатында Украинаның экономика министрі Сергей Терехин Біртұтас Экономикалық кеңістік аясындағы еркін сауда-саттық аймағы 2005-жылдың аяғына дейін құрылады деп мәлімдеді. "Өзара интеграцияның жоғарғы болмыс-бітімі туралы сөз қозғау үшін база қажет, ал қазір ондай база болмай отыр",- деді ол. "Украина бұл орайда ешбір шектеу және тәркілеусіз еркін сауда режимін енгізу позициясын ұстанады. Біртұтас Экономикалық кеңістік құруға осы база болмақ. Ал Украина өзара сауда-саттық саласындағы барлық шектеулерді алып тастауға әзір",- деді С.Терехин.