Олар 5 салмақ дәрежесі бойынша айналма жүйеде белдеседі. Турнир қазақ күресінің ережесімен алғаш рет командалық сипатта өткелі отыр. Додаға қатысушылардың арасында осалы жоқ. Әрбір белдесу тартысқа толы болмақ. Жарыстың жүлде қоры 150 млн теңге. Айта кетсек, соңғы уақытта қарқын алған күрестің бұл түрімен елімізде 100 мыңдай жас шұғылданады екен. Болашақта ұлттық спорт түрін Азия және халықаралық Олимпиада ойындарына енгізуге федерация барынша күш салмақ.