"Алдағы жылы мәдениетке арналатын шығындар 31 млрд. теңгеге жетеді. Ал биыл бұл көрсеткіш 24 млрд. теңге болғанын ескерсек, қаржыландыру көлемі 24 процентке артады",- деді министр. Осы орайда ол қаржыландыру көлемі доллармен есептегенде 250 млн. болатынын айтып өтті.
"Қаржы көлемінің ұлғаюы еліміздің мәдениетіне қарқынды дамуға қосымша серпін бермек",- деді министр. "Жаңа нысандар салып, ескісін қалпына келтіріп, озық технологиялар енгізу, жастарды оқыту қажет",- деді ол.
Министр сонымен бірге 2007-жылдың 1-қаңтарынан бастап отандық мәдениет саласы қызметкерлерінің жалақысы 30 процентке өсетінін еске салды. "Елбасы Нұрсұлтан Назарбаев осы жөнінде тікелей пәрмен берген. Еліміз тәуелсіз дамып келе жатқан барлық 15 жылда да ол мәдениет мәселелеріне айрықша назар аударып келеді",- деді Е.Ертісбаев.
Кітапханашылардың республикалық семинарына 300-ден астам өкіл қатысуда.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті