Азық-түлік келісім шарт корпорациясы 3 сыныпты жұмсақ бидайды коммерциялық сату мақсатында Қазақстанның астық рыногында бірінші рет жасырын электронды биржалық аукциондарды өткізуді бастағанын естеріңізге саламыз.
Жасырын биржалық аукцион - бұл сауда тәртіптерінің барынша айқындығын, қолжетімділігін және тиімділігін қамтамасыз ететін ЕСЖ биржасындағы электрондық онлайн-сауда саттық режимі. Саудаға бір сатушы және көптеген жасырын сатып алушылар қатысады. Нәтижесінде сауда кезінде қалыптасқан нарық конъюнктурасын ескеретін объективті нарық бағасына қол жеткізіледі.
Сонымен, алғашқы сауда-саттық 2012 жылғы 17 қазанда өткізілді. 20 мың тонна астық шығарылды: 5 000 тоннадан 4 лот, бастапқы бағасы тоннасына 45 000 теңгені (ҚҚС қоса) құрады. Оның қорытындысы бойынша тоннасы 45 010 теңгеден 5 мың тонна астық - 1 лот сатылды.
Бірінші сауданың тәжірибесін ескеріп, Азық-түлік келісім шарт корпорациясы астықты өткізу шарттарына өзгертулер енгізгенін атап айту керек, бұл сауда-саттықты өткізуді жеделдетті. Ықтимал сатып алушыларға қаржы ұйымдарының кепілдемесімен 9 және 10 айға аукционда сатып алған астыққа төлем мерзімдерін ұзарту мүмкіндігі беріледі. Соңғысының «Standard & Poors» агенттігімен берілген «В-» рейтингінен төмен емес борыштық рейтингі бар немесе басқа рейтинг агенттіктерінің біреуіне ұқсас деңгейдегі рейтингі болуы тиіс.
Нәтижесінде 2012 жылғы қазанның ортасынан бастап желтоқсанның соңына дейінгі кезеңде ЕСЖ саудасы бойынша Азық-түлік келісім шарт корпорациясы 1 млн. тоннадан астам астық сатты.
Азық-түлік келісім шарт корпорациясы мен ЕСЖ арасында ынтымақтастықтың дамуының кезекті сатысы ЕСЖ жанынан Астық жөніндегі биржа комитетінің құрылуы болды. Комитеттің басты міндеті астықпен биржалық сауда-саттықтың одан әрі дамуының стратегиясы мен құралдарын әзірлеу болып белгіленді.
«Еуразия сауда жүйесі» сауда биржасы АҚ Басқарма төрағасы Құрмет Оразаевтың айтуынша, комитет астықпен сауда-саттықтың тәртібі мен шарттарын оңтайландыруға, астық нарығы бойынша ортақ ақпараттық базаны құруға, үдерістерді, оның ішінде логистикалық үдерістерді бір ізге салуға мүмкіндік береді.