«2016 жылдың басында инфляция деңгейі жоғары деңгейде болады. Бірақ, жыл соңына қарай төмендейтін болады. Яғни, 2016 жылдың төртінші тоқсанына қарай, 8 процентке жақындайды. Сондықтан, Ұлттық банктің басты мақсаты - инфляцияны жыл соңына қарай белгіленген 6-8 пайыздық дәлізге тұрақтандыру», - деді Д. Ақышев.
Айта кетелік, 2015 жылғы қараша айында инфляция 3,7 пайызды құрады. Өткен жылы осы кезеңде инфляция деңгейі 0,6 пайызды құраған болатын. Ал 2015 жылы қаңтар-қараша айында инфляция деңгейі 12,3 пайыз болды. Өткен жылғы осы кезең аралығында инфляция көлемі 6,9 пайызды құраған еді.