Қазгидромет алдағы үш күнге ауа райы болжамын ұсынды.
"Қазақстанға жылжыған антициклонның ықпалынан республиканың көптеген облысында жауын-шашын тоқтап, күн жылынады. Алдағы үш тәулікте солтүстік, орталық, шығыс және оңтүстік облыстарда жауын-шашын болмайды, ауа температурасы жоғарылайды. 6 мамырда күндіз ауа температурасы кей жерлерде плюс 23-28°С, оңтүстік және орталықта плюс 27-32°С дейін жоғарылайды", - деп хабарлайды синоптиктер.
Ал оңтүстік-шығыста алдағы үш тәулікте суық атмосфералық фронттың ықпалы сақталады, сондықтан кей жерлерде найзағай ойнап, жаңбыр жауады, жел күшейеді.
Ал батыс облыстарда Ресейдің еуропалық бөлігінің орталық аймағынан ығысатын атмосфералық фронттардың әсерінен жаңбыр жауады, найғазай ойнап, қатты жел болады.
Ірі қалалардағы ауа райы
4 мамырда Нұр-Сұлтан қаласында ауа райы түнде +1, күндіз +15 градус болады. Алматыда түнде ауа температурасы +8 градус, күндіз ала бұлтты, сіркіреп жауын жауады, 13 градус жылы. Шымкентте түнде +8 градус, күндіз +20 градус болады.
5 мамырда еліміздің астанасында ауа температурасы түнде +6, күндіз +20 градус болады. Алматыда түнде 7 градус жылы, ал күндіз сынап бағанасы 14 градусқа дейін көтеріледі. Шымкентте түнде 10 градус жылы, күндіз 21 градус нөлден жоғары.
6 мамырда елордада ауа температурасы түнде +10 градус болса, күндіз 22 градусқа дейін жылынады. Оңтүстік астанада түнде 8 градус жылы, күндіз +18 градус болады. Шымкентте түнде +12 градус, күндіз +24 градус болады.