Синоптиктердің болжауынша, бүгін Жамбыл, Оңтүстік Қазақстан, күндіз Қызылорда облыстарының кей жерінде желдің күші 15-20 м/с дейін жетіп, шаңды дауыл тұруы мүмкін.
Солтүстік Қазақстан, Қостанай, Ақмола облыстарында да жел күшейіп, СҚО-ның кейбір ауданында тұман түсуі ықтимал.
Батыс Қазақстан, күндіз Атырау облыстарының кей аумағында жел 15-20 м/с дейін жетуі мүмкін.
Павлодар, Шығыс Қазақстан облыстарында күн суытады. ШҚО-ның кей аумағында 1-3 градусқа дейін салқындауы мүмкін.
Ал, Атырау, Батыс Қазақстан, Қостанай облыстарында күндіз аптап ыстық болады.
Қызылорда, Қарағандының кей аумағында, Ақтөбе, Батыс Қазақстан, Қостанай, Оңтүстік Қазақстан облыстарында өрт қаупі сақталады.