«Тергеу барысында Мусиннің жарғылық капитал үлесінің 100 пайызы мемлекетке тиесілі телерадио хабарларын тарату және медиатехнологиялар басқармасының басшысы болғаны белгілі болды. 2009 жылдың тамыз айында ол «Q-Service» ЖШС құрып, оны туыстарының атынан тіркеген. «Q-Service» ЖШС қызмет көрсету бойынша мердігер ұйым ретінде 2009 жылдың 9 қыркүйегінен 2012 жылдың 9 қазанына дейін 1,4 млрд. теңге көлемінде қаржы алған. Ал оған 7-ші қысқы Азия ойындарының ұйымдастыру комитетінің атқарушы дирекциясы тапсырыс беріп отырған», - деп хабарлады А.Иманғалиев. Ол сонымен қатар осы қаржының шамамен 600 млн. теңгесі Мусиннің нұсқауымен жалған кәсіпорындар арқылы жымқырылғанын жеткізді.
«2014 жылдың 13 ақпанында А.К.Мусинге ҚР ҚК-ның 176-бабы 3-тармағының б пункті бойынша айып тағылып, Алматы қаласының Медеу аудандық сотының оның қамауға алу туралы шешімі шықты. Тергеу жұмыстары жалғасып жатыр», - деді Амангелді Иманғалиев.