«Ірі төтенше жағдайлардың салдарын жою тәжірибесін ескере келіп... ірі апат салдарынан баспанасыз қалғандарға жаңа тұрғызылған үйлерден жеке меншікке тегін баспана беру туралы заңнамаға түзетулер енгізу процедурасын шешуді ұсынамыз», - деді жұма күні А. Баталов депутаттық «Өңір» тобының ТЖМ мәселелерін қараған отырысында.
«Біз қайда жүгінсек те ешқандай қолдау таппадық, енді өз мәслихатымыз арқылы тәуекелмен сондай шешім шығарып отырмыз», - деді ол.
Бұл ретте ол «Тұрғынүй қатынастары туралы» заң бойынша мемлекеттік қордың баспанасы азаматтарға жеке меншікке қалдық құнымен берілетінін еске салды.
«Қызылағаш су қоймасындағы тасқын су салдарын жою кезінде құқықтық-нормативтік базалар жоқ болса да шешуді қажет еткен проблемалар туындады. Қалыптасқан жағдайда біз, іс жүзінде, олардың барлығына (зардап шеккендерге – ҚазТАГ) жерді пайдалануына акті, қабылдау комиссиясының актін бердік, ал бүгінге дейін оларға техникалық төлқұжаттарын тапсыру біз үшін мүмкін болмай отыр», - деді ол.