«Барыс» хоккей клубының ресми сайтында жарияланған мәліметке қарағанда, аталған хоккей клубының президенті Нұрлан Оразбаев астаналық «Барыс» командасының бас жаттықтырушысының міндетін атқарушы қызметіне А. Шаянов тағайындалғанын мәлімдеді.
Айта кетейік, Құрлықтық хоккей лигасы аясында қанағаттанарлықсыз ойын бастауы мен команданың ағымдағы төмен көрсеткіштері үшін «Барыс» хоккей клубының қамқорлық кеңесінің шешімімен бас жаттықтырушы А. Хомутов қызметінен босатылды. Сонымен қатар команда жаттықтырушысы қызметінен С. Стариков те босатылды.
Енді Құрлықтық хоккей лигасы ойындарының ағымдағы маусымының соңына дейін А. Шаянов бас жаттықтырушы болмақ.