Сенат депутаты Бексұлтан Тұтқышевтың KZ-today тілшісіне берген түсініктемесіне сәйкес, заң жобасын сенатта талқылау барысында енгізілген негізгі түзетулер "азаматтардың репродуктивтік құқығы саласындағы мемлекеттік реттеу аясын кеңейтуге саяды, ал бұл саладағы мемлекеттік реттеу аталмыш құқықтарды жүзеге асыруды мемлекет тарапынан кепілдендіруді қамтамасыз етуге негізделеді".
"Адамның репродуктивтік құқығы және оны жүзеге асыру кепілдіктері туралы" заң жобасы сенаттың түзетуімен мәжіліске кері қайтарылды.
Бұдан бұрын да хабарлағанымыздай, "Адамның репродуктивтік құқығы және оны жүзеге асыру кепілдіктері туралы" заң жобасы елімізде адамды клондауға тыйым салып, суррогатты ана болуға мүмкіндік береді.