Компанияның қоршаған ортаны қорғау мәселелері жөніндегі менеджері Әсел Мұсабаеваның хабарлауынша, зерттеу жұмыстары Ресей аумағында да, Қазақстан аумағында да жүргізілетін болады. Еділ өзенінің арнасы буылып, онда уылдырық шашатын жерлердің аз қалғанын ескерсек, негізгі жұмыстар Жайықта жүргізілмек. Қазіргі таңда ондай 800 табиғи орын белгілі. Солардың бәрінде зерттеу жұмыстары жүргізіледі. Жобаның негізгі мақсаты - қандай да бір себептермен балықтардың көбеюіне жарамсыз болып қалған жерлерді анықтап, оларды қалпына келтіруге жағдай жасау.