Бұл туралы Caravan.kz медиа порталы Massaget.kz-ке сілтеме жасап хабарлайды.
Қайғылы оқиға 3 тамызда Әйтеке би ауданы Жүргенов ауылында болған.
"Ырғыз өзенінде суға түсіп жүрген бір отбасының 4 адамы батып кетті. Олар 13,11 және 7 жастағы балалар, сондай-ақ оларды құтқаруға тырысқан 39 жастағы ер адам. Ер адам өзінің балалары мен туысын құтқаруға тырысқан", - делінген материалда.
Облыстық Төтенше жағдайлар департаменті балалар ата-аналарымен бірге болғанын айтты.
Құтқарушылар, полицейлер және жергілікті тұрғындар мәйіттерді іздеп, оларды судан шығарды.