Ақтөбе облысы, Темір ауданы, "Кеңқияқ" ауылдық округіне қарасты әкімшілік аппараты және «Ақбота» бала-бақшасы, «Ырысты ана» мешіті айналасына жасыл желекпен көгалдандыру барысында 50 түп ағаш мамыргүл отырғызылды.
Көгалдандыру жұмысына бала бақша, әкімшілік қызметкерлері және мешіт имамдарымен ауыл тұрғындары өз үлестер қосты. Ауыл тұрғындарымен бала бақша қызметкерлері қуанып көгалдандыру жұмыстары көбейе берсе деген тілектерінде айта кетті. Бір жылдығын ойлаған халық бидай егеді, жүз жылдығын ойлаған халық ағаш егеді деп бекер айтпаса керек.
Мамыргүлдің отырғызудың басты себебі - ол топырақ талғамайды. Сәуір, мамыр, маусым айларында әдемі болып жайқалып ұзақ уақыт гүлдеп егілген аймақтарға ерекше сән беріп тұрады. Ағаштар отбасымыздың, қауымдастықтың және әлемнің денсаулығы мен әл-ауқатына маңызды екенін еске сала кетейік. Көгалдандыру жұмыстарының табысты болуы көп жағдайда ағаш түрлерінің жергілікті жағдайда қаншалықты биімделіпөсуіне байланысты. Адамзат өз тарихында осы күнге дейін әлі ағаштан артық ауаны тазартатын бірде-бір қондырғы ойлап таба қойған жоқ. Ағаштың ауаны тазартқанымен қатар оны реттеп, шудың азаюына ерекше пайдасын тигізеді. Табиғаттағы тепе-теңдікті сақтап тұрған да ағаш екен. Ыстықты, аязды басып, ылғалдылықты сақтап, жаңбырдың уақытында және табиғи тәртіппен жаууынреттейді, топырақтың құнарлығын сақтайды, дауылдың екпінін азайтады. Қысқасы, бесік, табыт, яғни адам өмірге келгеннен кеткенге дейін игілікке жарайды. Сондықтан, ағаш отырғызу ұрпаққа мұра қалдырғанмен пара-пар.
Мемлекет Басшысы Қасым-Жомарт Тоқаев Қазақстан халқына Жолдауында "Таза Қазақстан" жалпыұлттық экологиялық акциясының ерекше маңыздылығын атап өткен болатын. Оның айтуынша, бұл бастама қазақстандықтарды біріктіріп, оларды туған табиғатқа қамқорлық жасау идеясының төңірегінде біріктіре алады делінген.
«Бұтақ жайған ағаш қартаймайды, ұрпақ жайған адам қартаймайды,»- дейді. Соңғы кездері тал егу дәстүрі еліміздің түкпір-түкпірінде қолға алынып, тиянақты мән берілуде. Мұның өзі қоғамға пайдасы зор игі бастама Бұл жұмыстардың жүйелі жүргізілуіне «Қазақстан-Қытай Құбыры» ЖШС зор үлес қосуда.