Алдағы үш күнде республиканың көптеген облысында қатты аяз сақталады. Өткен тәуліктерде орталық, оңтүстік-шығыс және оңтүстік облыстардың кей жерлерінде ауа температурасы климаттық нормадан 3-8°С төмен, ал солтүстік пен шығыста 10-18°С, қиыр шығыста нормадан 20-23°C төмен болды.
Қаңтардың 25-27 күндері батыс пен оңтүстіктің кей жерлерінде боран болып, оның екпіні 23-28 м/с, 15-20 м/с жел соғып, салдарынан 200-500 метрге дейін көруді нашарлатады.
Қазақстанның үш облысында, болжанатын қатты желге орай, дауылды ескерту жарияланды. Қызылорда облысында 24 қаңтар күні күндіз, 25-27 қаңтарда тәулік бойы шығыс, солтүстік-шығыс желі кей жерлерде 18-23, кей кездері екпіні 30 м/с болуы мүмкін.
Ақтөбе облысында 24 қаңтар күні күндіз, 25 қаңтарда тәулік бойы кей жерлерде оңтүстік-шығыстан соққан желдің күші 18-23, кей уақыттарда екпіні 30 м/с жетеді.
Оңтүстік Қазақстан облысында 25-27 қаңтарда кей жерлерде солтүстік-шығыстан соққан желдің күші 18-23, кей кездерде екпіні 30 м/с болады.