"Егер 2006 жылы Қазақстанға алыс және жақын шетелдерден келген азаматтардың саны 2 млн.-ға өссе, одан әрі бұл ағым сақталып қала бермек",- деді А.Шпекбаев. "Біздің республикамыздың қызығушылық тудырып отырғандығын ескере отырып, осыған сәйкес алдағы жылдары еңбек мигранттарының саны екі есеге өседі",- деді ол. Ішкі істер вице-министрінің мәліметтеріне сүйенсек, Қазақстанда 2005 жылы 200 мыңдай еңбек мигранттары заңсыз жұмыс істеген.
А.Шпекбаев 8-қаңтар, яғни заңсыз мигранттарды анықтауға бағытталған "Мигрант" республикалық жедел-алдын-алу шараларын жүргізудің бірінші күнінде іздеуде жүрген 23 адамның құрықталғанын хабарлады. "Олардың ішінде қылмыс жасағаны үшін іздеуде жүрген адамдар, сондай-ақ алимент төлеушілер мен борышты адамдар да бар",-деді ол.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті